Khit Thit သတင်းဌာန၏ ဇွန် ၅ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၅ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -ရှမ်းပြည်နယ်၊ လားရှိုးမြို့နယ်၊ အထက်မန်အိုင်ကုန်းမှာရှိတဲ့ အကြမ်းဖက် စစ်ကောင်စီရဲ့ ခမရ ၅၀၇ တပ်နဲ့ အမှတ် ၁၂ နယ်မြေရဲစခန်းကို ဒီကနေ့ ဇွန်လ ၅ ရက်နေ့ မနက်ပိုင်းမှာ တော်လှန်ရေးအင်အားစု တွေကနေ ရှော့တိုက်ဒုံးတွေနဲ့ ပစ်ခတ်ပြီး လက်နက်ကြီး၊ လက်နက်ငယ်တွေနဲ့ ဝင်ရောက်ပစ်ခတ်မှု ဖြစ်ပွားခဲ့တယ်လို့ ဒေသခံ ပြည်သူတွေဆီကနေ သိရပါတယ်။ - မကွေးတိုင်း၊ ရေစကြိုမြို့နယ်က ထန်းချောင်း-ကျေးရွာကို အကြမ်းဖက် စစ်ကောင်စီရဲ့ ခလရ၂၅၈ ၊ ခလရ၂၅၇၊ ခလ၂၅၆ တပ်တွေက ဇွန်လ ၄ ရက်နေ့မှာ ဝင်ရောက်လာပြီး ဒေသခံ ပြည်သူပိုင် ပစ္စည်း တွေကို ခိုးယူသွားတဲ့အပြင် နေအိမ် ၅၀ နီပါးကိုလည်း မီးရှို့ဖျက်ဆီးသွားတယ်လို့ ဒေသပြည်သူတွေ က ပြောပါတယ်။ - ပဲခူးတိုင်း၊ ရေတာရှည်မြို့နယ်မှာ အင်အား ၇၀ ဝန်းကျင်ပါတဲ့ အကြမ်းဖက် စစ်ကောင်စီတပ် စစ်ကြောင်းကို PDF တပ်တွေကနေ ဝင်ရောက်တိုက်ခိုက်ရာမှာ အကြမ်းဖက် စစ်ကောင်စီဘက်က ထိခိုက်သေဆုံးမှု များတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
